Qashqadaryo viloyatida tadbirkorning subyektiga tegishli mulkini o‘zlashtirgan ombor mudiri aniqlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Qashqadaryo viloyati boshqarmasi tomonidan tergovga qadar tekshiruv o‘tkazilgan. Unda K.U. MCHJ sobiq ombor mudiri F.S. MCHJning “Moddiy javobgarlik to‘g‘risida”gi shartnomasiga ko‘ra, unga ishonib topshirilgan 1,1 milliard so‘mlik xo‘jalik va elektr mollarini yuk xatlarsiz ombordan chiqarib, ushbu tovarlarni naqd pulga sotib yuborgani aniqlangan. U pullarni o‘zining shaxsiy ehtiyojlari uchun sarflab, juda ko‘p miqdordagi o‘zganing mulkini o‘zlashtirish yo‘li bilan talon-toroj qilgan.
Holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Samarqandda 1,5 mlrd so‘m kredit mablag‘ini o‘zlashtirgan jamiyat rahbariga jinoyat ishi qo‘zg‘atildi
- Toshkentdagi oilaviy poliklinikalarga yangisi o‘rniga eski liftlar o‘rnatilib, 340 mln so‘m o‘zlashtirilgani aniqlandi
- Chirchiqda korxona rahbari tadbirkorning 533,6 mln so‘mlik mulkini talon-toroj qilgani aniqlandi
Izoh (0)