Ushbu hafta davomida O‘zbekiston bo‘yicha ob-havoning keskin o‘zgarishi kutilmaydi, deb xabar bermoqda Respublika Gidrometeorologiya markazi.
Ma’lum qilinishicha, 31-yanvar va 1—4-fevral kunlari respublika hududi bo‘yicha yog‘ingarchilik kutilmaydi, faqat 2-fevralda janubiy hududlarda biroz yomg‘ir yog‘adi.
Kechasi va ertalab ba’zi joylarga tuman tushishi kuzatiladi. Shamol asosan kuchsiz bo‘ladi.
Kechalari harorat 0-5 daraja iliq atrofida, ba’zi joylarda 2 daraja sovuqqacha, shimolda hafta boshida 4 daraja sovuqqacha bo‘ladi.
Dushanbadan payshanbagacha kunduz kunlari harorat 5-10 daraja iliq atrofida, ba’zi joylarda 12 darajagacha iliq bo‘ladi.
4-fevral, juma kuni yer bosimining keskin pasayishi boshlanadi va harorat 11-14 darajagacha, janubda esa 15-17 daraja iliqqacha ko‘tariladi. Respublika bo‘yicha ba’zi joylarda shamol 17-22 metr/sekundgacha kuchayishi kutilmoqda.Mavzuga doir: “O‘zgidromet” 1-fevralda kutilayotgan ob-havo ma’lumotini e’lon qildi
