“O‘zgidromet” 28—29-yanvar kunlari kuchli shamol bo‘lishidan ogohlantirdi

O‘zbekiston hududiga 28—29-yanvar kunlari Eron hududlaridan Kaspiy dengizi va Turkmaniston orqali nam va salqin havo massasi kirib kelishi kutilmoqda, deb xabar beradi “O‘zgidromet”.

Qayd etilishicha,  28—29-yanvarda respublika bo‘yicha ba’zi joylarda shamol kuchayishi kutilmoqda, jumladan:

• 28-yanvarda Qoraqalpog‘istonda, Xorazm, Toshkent, Samarqand, Sirdaryo viloyatlarida 17-22 metr/sekundgacha;
• 28-yanvarda Buxoro, Navoiy, Qashqadaryo, Jizzax viloyatlarida 17-22 metr/sekundgacha, ayrim joylarda 25-28 metr/sekundgacha kuchayishi mumkin;
• 29-yanvarda Surxandaryo, Farg‘ona, Namangan, Andijon viloyatlarida shamol tezligi 17-22 metr/sekundgacha kuchayishi kutilmoqda.

28—29-yanvarda respublika hududlari bo‘yicha ba’zi joylarda yomg‘ir yog‘adi, ayrim joylarda qorga aylanishi mumkin. Tog‘ oldi va tog‘li hududlarda yog‘ingarchilik (yomg‘ir, qor) bo‘ladi, ba’zi joylarda kuchli bo‘lishi mumkin.

Mavzuga doir: Toshkent viloyatida 27-yanvar kuni chang bo‘roni kuzatilishi mumkin