O‘zbekistonda xizmat ko‘rsatgan san’at arbobi, professor Tursunali Qo‘ziyev Madaniy meros agentligining direktor o‘rinbosari etib tayinlandi. Bu haqda Telegram’dagi “Huquqiy axborot” kanali xabar qildi.
U 5-noyabrda Madaniy meros agentligi direktori vazifasini bajaruvchisi lavozimiga tayinlangandi. 16-dekabr kuni Shahriyor Nurulloyev agentlik direktori bo‘ldi.
Tursunali Qo‘ziyev 1951-yil 18-noyabrda Surxondaryo viloyati Jarqo‘rg‘on tumanida tug‘ilgan. 1976-yil Benkov nomidagi bilim yurtini, 1982-yil Toshkent san’at institutini tamomlagan.
Mehnat faoliyati davomida Surxondaryo viloyati Jarqo‘rg‘on shahar bosh rassomi, viloyat madaniyat fondi raisi, Respublika badiiy bilim yurti direktori lavozimlarida ishlagan.
1995-yildan keyin Prezident devoni konsultanti, madaniyat ishlari vazirining birinchi o‘rinbosari, O‘zbekiston badiiy akademiyasi raisi sifatida ishlagan.
2011—2013-yillar mobaynida madaniyat va sport ishlari vaziri sifatida faoliyat yuritgan. 2013—2016-yillarda Davlat jahon tillari universiteti Xalqaro jurnalistika kafedrasi professori bo‘lgan.
Madaniy meros rahbarligiga tayinlanishdan oldin esa Islom Karimov nomidagi ilmiy-ma’rifiy yodgorlik majmuasi rahbarining o‘rinbosari lavozimida ishlagan.
Jismoniy tarbiya va sport vazirligi hamda Turizmni rivojlantirish davlat qo‘mitasi negizida Turizm va sport vazirligi tashkil qilingani haqida xabar berilgan edi. Ushbu vazirlik huzurida hamda uning hududiy boshqarmalari tashkil etildi.
Eslatib o‘tamiz, Madaniy meros agentligi 6-aprelda Turizm va sport vazirligi huzurida tashkil etilgan.
Izoh (0)