O‘zbekistonda maktab o‘quvchilari uchun qishki ta’til 28-dekabrdan boshlanadi, deb xabar berdi Xalq ta’limi vazirligi.
Qayd etilishicha, o‘quvchilar uchun II chorakning so‘nggi kuni 27-dekabrga to‘g‘ri kelib, 28-dekabr kuni qishki ta’tilning ilk kuni sanaladi. Ta’til 14 kalendar kun, ya’ni 2022-yil 10-yanvargacha davom etadi. III chorak 2022-yilning 11-yanvaridan boshlanadi.
Eslatib o‘tamiz, O‘zbekiston maktablarida kuzgi ta’til 4-noyabrdan boshlangan. Ta’til 6 kalendar kun, ya’ni 9-noyabrgacha davom etgan. II chorak esa 10-noyabrdan boshlangan.Mavzuga doir: O‘zbekistonda 5 milliondan ortiq o‘quvchiga mo‘ljallangan maktablarda 6,2 mln o‘quvchi ta’lim olmoqda — XTV
