O‘zbekiston hududiga 12—15-dekabr kunlari Kaspiy dengiz hududlaridan nam havo, so‘ngra Ural hududlaridan sovuq havo massalari kirib keladi, deb xabar bermoqda “O‘zgidromet”.
Ma’lum qilinishicha, 12—14-dekabr kunlari respublikada vaqti-vaqti bilan yog‘ingarchilik (yomg‘ir, qorga aylanadi) bo‘ladi.
Tog‘ va tog‘oldi tumanlarda 12—13-dekabr kunlari yog‘ingarchilik (yomg‘ir, qor) kuzatiladi, ayrim hududlarda yog‘ingarchilik kuchli bo‘lishi kutilmoqda. Shuningdek, ba’zi joylarda shamol 15-20 metr/sekundgacha kuchayishi mumkin.
Respublika bo‘yicha havo harorati me’yordan 8-10 darajagacha pasayishi kutilmoqda.
13—15-dekabr kunlari havo harorati kechalari 3-8 darajagacha sovuq, kunduz kunlari esa 0-5 darajagacha iliq, shimolda kechalari 7-12 darajagacha sovuq.
Ba’zi joylarda 14-16 darajagacha sovuq, kunduz kunlari esa 3 daraja sovuq, 2 daraja iliq bo‘lishi kutilmmoqda.Mavzuga doir: O‘zbekistonda 10-dekabr kuni qanday ob-havo kuzatilishi ma’lum qilindi
