Roma Urraco niki ostida tanilgan avtomobil blogeri o‘zining YouTube’dagi kanaliga so‘nggi yillarda garajdan topilgan eng yaxshi mashina deya e’tirof etilgan “vaqt kapsulasi”ga oid videoni joylashtirdi. Erkak 1985-yilda ishlab chiqarilganidan beri 29 kilometr yo‘l bosgan yangi “GAZ-24M”ni topishga muvaffaq bo‘lgan. Ideal holatda saqlangan avtomobil “butun umr” sovet mashinasini nabiralariga qoldirishni rejalashtirgan inson garajida saqlangan, deb xabar beradi Motor.
Mazkur “Volga” 1985-yildan 1986-yilga qadar ishlab chiqarilgan. Klassik “yigirma to‘rt”dan farqli o‘laroq, noyob modelning old bamperidagi “so‘yloq tishlari”, orqa ustunlaridagi aylana fonarlari yo‘q, shuningdek, old qanotlaridagi “Volga” yozuvi ham olib tashlangan.
Avtomobil qora plastik radiator panjarasi, “to‘g‘ri” gaz chiqarish tizimi, keng pastprofilli shinalar o‘rnatilgan, orqa suvdan himoya qilgichlari kattargan. Maxsus versiyada bosh qo‘ygichli yangi alohida o‘rindiqlar, orqa oynalarni elektr isitish tizimi paydo bo‘lgan, shuningdek, “GAZ-24-10”ning quvvati 100 ot kuchiga yetkazilgan takomillashtirilgan dvigateli o‘rnatilgan.
Ushbu “Volga”ni uning egasi 1985-yilda “GAZ-24”ning eksport varianti bilan birga xarid qilgan. Erkak ikkinchi mashinadan muntazam foydalangan, noyob modifikatsiyali “Volga”ni esa garajida saqlagan. U maxsus versiyani farzandlari va nabiralari uchun saqlashni rejalashtirgan.
- Germaniyada 38 yillik “Volga” 8,5 ming yevro qiymatda sotuvga qo‘yildi (foto)
- Moskvada 42 yillik “Volga” yangi Lada Granta narxida sotildi (foto)
