Bugun,

  • USD 11095.31
  • RUB 173.84
  • EUR 10772.44

Moskvada 1979-yilda ishlab chiqarilganidan buyon 7,5 ming kilometr yo‘l bosgan “GAZ-24” 650 ming rublga (8,4 ming dollar) sotildi, deb xabar beradi Motor.

Foto: “Auto.ru”

Foto: “Auto.ru”

Sotuvchining so‘zlariga ko‘ra, o‘tgan vaqt davomida “Volga” iliq garajda saqlangan. 42 yil minilganiga qaramay, sovet sedani 7500 kilometr yo‘l bosgan xolos. E’lon muallifi avtomobil kuzovining holatiga asosiy e’tiborni qaratgan. Suratlardan ko‘rish mumkinki, erkak mashinaning tashqi ko‘rinishida katta sarmoya kiritmagan. Shu bilan birga, ba’zi korroziya o‘choqlari hisobga olinmasa, mashina yaxshi holatda.

Foto: “Auto.ru”

Foto: “Auto.ru”

“Volga” interyeri ideal holatda saqlangan. Qizil mato bilan qoplangan salon xuddi yangidek. Avtomobil zavod jamlanmalari orasidan chap ko‘zgu, antenna, radiopriyomnik, shuningdek, g‘ildiraklar diskalaridagi “kolpak”larni saqlab qolgan. Bundan tashqari, foydalanish davrida “GAZ-24”ga tumanga qarshi faralar o‘rnatilgan.

Foto: “Auto.ru”

Foto: “Auto.ru”

Foto: “Auto.ru”

Foto: “Auto.ru”

“Volga” 85 ot kuchiga ega 2,5 litrli dvigatel yordamida harakatga keladi. Agregat to‘rt pog‘onali mexanik uzatmalar qutisi bilan boshqariladi. Sovet davriga tegishli “vaqt kapsulasi”ni ismini oshkor etmagan xaridor 650 ming rublga sotib olgan. Bu pulga Rossiyada yangi Lada Granta xarid qilish mumkin.

Foto: “Auto.ru”

Foto: “Auto.ru”

Avvalroq Rossiyada 57 yillik “Volga” yangi BMW narxida sotuvga qo‘yilgani to‘g‘risida xabar berilgandi.

Izoh
Asosiy yangiliklar
Mahalliy
Virtual kartalar nima va ulardan qanday qilib to‘g‘ri foydalanish mumkin?
Dunyo
Twitter ofisida xodimlar uchun karavotlar paydo bo‘ldi, Ilon Mask avvalroq me’yoridan ortiqcha ish bo‘lishi haqida ogohlantirgandi
Mahalliy
Xorazmda ikki kishi is gazidan vafot etdi