Chet elda doimiy istiqomat qilayotgan O‘zbekiston fuqarolariga davlat xizmatlaridan onlayn foydalanish imkoniyati taqdim etiladi. Prezident tomonidan 24-iyul kuni imzolangan farmon talablariga ko‘ra, ular davlat boji va boshqa to‘lovlarni chet el valyutasida xalqaro to‘lov tizimlari orqali to‘lashi mumkin bo‘ladi.
“Gazeta.uz”ning yozishicha, hujjatga muvofiq, 2021-yil 1-oktabrga qadar:
- “Ijtimoiy himoya yagona reyestri” hamda “TMEK” axborot tizimlari Yagona interaktiv davlat xizmatlari portali (YaIDXP, Yagona portal) bilan integratsiya qilinishi ta’minlanadi;
- davlat xizmatlari markazlari yoki YaIDXP orqali davlat xizmatlari ko‘rsatilishida to‘lovlar bo‘yicha imtiyozga ega bo‘lgan shaxslarni real vaqt rejimida aniqlash va to‘lov miqdorini avtomatik tarzda belgilash tizimi joriy etiladi.
Farmonda belgilanishicha, xorijdan turib elektron davlat xizmatlaridan foydalanganda davlat bojlari, yig‘imlar va boshqa har qanday to‘lovlarni chet el valyutasida xalqaro to‘lov tizimlari va boshqa vositalar orqali amalga oshirish mexanizmi yo‘lga qo‘yiladi.
Izoh (0)