Namangan viloyatida ikki ko‘prikka sel oqibatida shikast yetdi, deya xabar bermoqda YHXBB.
Ob-havo o‘zgarib, yomg‘ir yog‘ishi oqibatida Kosonsoy tumani tomonidan sel toshqini kelib, Namangan shahar hududidan o‘tgan 4R-117 To‘raqo‘rg‘on–Namangan–Chortoq avtomobil yo‘lining 15-kilometrida joylashgan ko‘prikka zarar yetgani sabab sozlash ishlari olib borilishi munosabati bilan harakat to‘liq cheklandi.
Shuningdek, 4R-112 Farg‘ona halqa yo‘li avtomobil yo‘lining 73-kilometrida joylashgan “Tashlama” ko‘prigiga zarar yetgani sabab sozlash ishlari olib borilishi munosabati bilan harakat qisman (bir tomonlama tashkil etilgan) cheklandi.
Bundan avval Namanganda kuchli jala kuzatilgani hamda Shahrisabz tuman Favqulodda vaziyatlar bo‘limi Ko‘l qishlog‘iga olib boruvchi yo‘lning 10 soat yopilib qolganiga izoh bergani haqida xabar berilgandi.
