O‘zbekiston hududiga 28-iyundan boshlab Volga bo‘yi hududlaridan issiq va quruq havo kirib keladi, deb xabar bermoqda “O‘zgidromet”.
Hafta davomida mamlakat bo‘yicha, asosan, kam bulutli ob-havo bo‘lishi kutilmoqda. Butun davr davomida harorat foni maqbul bo‘ladi.
Havo harorati kechalari 22-25 daraja, kunduz kunlari 38-41 daraja, shimolda, janubda va cho‘l hududlarida ba’zi joylarda 43 darajagacha issiq bo‘ladi.
Qayd etilishicha, bunday harorat qiymatlari iyun oyi oxiri, iyul oyi boshidagi o‘rtacha ko‘p yillik qiymatlardan 2-4 darajaga ko‘p. Biroq O‘rta Osiyo iqlimi uchun, ayniqsa, so‘nggi yillarda bu anomal hodisa emas.
Eslatib o‘tamiz, O‘zbekistonga 26—27-iyun kunlari Erondan issiq havo kirib kelishi boshlangandi.
