Prezident Shavkat Mirziyoyev Angor tumanidagi “Angor Surxon g‘ururi” klasterida bo‘lib, g‘alla va g‘o‘za rivojini ko‘zdan kechirdi.
Ushbu klasterning umumiy yer maydoni 11 ming gektardan ziyod. Shuning 4 ming 870 gektarida g‘alla yetishtirilmoqda. Bu yil Rossiyadan kasalliklarga chidamli g‘alla navlari keltirib ekilgan. Gektariga 80 sentnerdan hosil olish kutilyapti.
Davlat rahbari kombaynni boshqarib, g‘alla o‘rdi.
Mavzuga doir: Video: Kombayn haydayotgan Shavkat Mirziyoyev
4 ming 656 gektarda paxta qo‘shqator ekilgan. Kaliforniya usulida sug‘orish natijasida suv sarfini 50 foizga tejashga erishilmoqda.Prezident soha mutaxassislari bilan suhbatda paxtani qo‘shqator usulda ekishni janubiy hududlarda ommalashtirish va bu orqali yuqori hosil olish mumkinligini qayd etdi.
Mavzuga doir: Shavkat Mirziyoyev: “Bizda anorchilik bo‘yicha an’ana bor, lekin ilm yo‘q, kitob yo‘q, laboratoriya yo‘q”
Bundan avval Shavkat Mirziyoyev Sherobod quyosh elektr stansiyasi qurilishiga tamal toshini qo‘ygani hamda Shavkat Mirziyoyev Sheroboddagi zamonaviy issiqxona va anor qadoqlash korxonasi bilan tanishgani haqida xabar berilgandi.
