O‘zbekistonda koronavirusga qarshi qo‘llanilgan vaksinalar soni 1,5 mln dozadan oshdi

O‘zbekistonda 20-may kuni jami 49 930 kishi COVID-19’ga qarshi emlandi, deb xabar berdi Sog‘liqni saqlash vazirligi matbuot xizmati. Shulardan 14 615 nafari birinchi bosqichda, 35 315 nafar fuqaro esa ikkinchi bosqichda emlangan.

Hozirgi kungacha O‘zbekistonda koronavirusga qarshi 1 512 421 doza vaksinadan foydalanildi, ularning 358 108 dozasi ikkinchi bosqichda qo‘llanilgan. Shunga ko‘ra, mamlakatda jami emlanganlar soni 1 154 313 kishini tashkil etmoqda.

20-may kunidagi emlash ko‘rsatkichlari bo‘yicha yuqori o‘rinlarni;

• Farg‘ona viloyati (7810 doza),
• Namangan viloyati (6011 doza),
• Andijon viloyati (5491 doza) band qildi.

Koronavirusga qarshi emlangan jami aholi soni:

• Farg‘ona viloyatida 204 065 doza,
• Andijon viloyatida 189 110 doza,
• Namangan viloyatida 168 835 dozani tashkil qilmoqda.

Eslatib o‘tamiz, 18-may kuni O‘zbekistonga o‘zbek—xitoy vaksinadan 1 million doza, 19-may kuni 500 ming doza keltirilib, emlash jarayonlarida foydalanilayotgan ZF-UZ-VAC2001 miqdori 3,5 million dozaga yetgan edi. Mavzuga doir:

• Koronavirusga qarshi vaksina olishdan oldin va keyin qancha muddat homiladorlikdan saqlanish kerak? Mutaxassis javob berdi
• “O‘zbekistonda foydalanilayotgan u yoki bu vaksinani yaxshi yoki yomon deb aytish juda qiyin” — Bahodir Yusupaliyev