Xitoylik olimlar avtonom quvvatlanish funksiyasiga ega “aqlli” oynani yaratdi. Qurilma shaffof yoki xira bo‘la oladi. Shuningdek, u quvvatlanishsiz bir necha kun ishlay oladi, deb xabar beradi “Korrespondent.net”.
Oynaning eng asosiy funksiyasi — bu u binoga tushadigan yorug‘likni o‘zgartira olishida. Oyna ultrabinafsha va infraqizil nurlarni bloklab, shaffof bo‘lmasligi ham mumkin. Shu orqali u quyosh nurlari miqdorini kamaytiradi.
Bundan tashqari, gadjet mexanik usulda va quyosh energiyasidan quvvatlana oladi. Oynaning shaffofligi bitta tugmani bosish orqali o‘zgaradi.
Ta’kidlanishicha, oynani TENG — triboelektr nanogenerator yordamida quvvatlanishi mumkin.
Avvalroq Xitoy, Germaniya, AQSh va Avstraliyadan bo‘lgan bir guruh muhandislar o‘zlarining yangi ixtirosi — namlikdan, deformatsiya va cho‘zilishdan “qo‘rqmaydigan” yorug‘lik tarqatuvchi toladan tayyorlangan matoni taqdim etgandi.
Mavzuga doir: O‘z-o‘zini qayta tiklaydigan kiyim yaratildi
Izoh (0)