Namangan shahrida Navro‘z ayyomiga bag‘ishlangan motoparad bo‘lib o‘tdi. Bu haqda “Daryo” muxbiri Azizbek Abduvaliyev xabar bermoqda.
Motoparad Namangan xalqaro aeroporti hududidan boshlandi.
Uning ishtirokchilari shaharning markaziy ko‘chalarini bosib o‘tib, Bobur nomli madaniyat va istirohat bog‘iga yetib kelishdi.
Bayramona paradda Namangandan tashqari, Toshkent, Andijon va Qo‘qondan kelgan motohavaskorlar ishtirok etdi.
Tashkilotchilarga ko‘ra, bugungi tadbirda 80 dan ortiq moped va mototsikl saf tortdi.
Ularning egalari Namanganda o‘tkazilayotgan Navro‘z bayrami tadbirlarida qatnashmoqda.
Mavzuga doir: Namanganda Navro‘z bayrami arafasida 5 tonna osh damlandi. Endi navbat 6,2 tonnalik megasumalakka
