Samsung Electronics kompaniyasi Patentlar va tovar belgilari byurosiga yuqori paneli bitta o‘qda ikkala yo‘nalish bo‘ylab harakatlana oladigan yangi smartfonining hujjatlarini topshirdi, deb xabar beradi IXBT.
Yig‘ilgan holatda smartfon oddiy monoblok ko‘rinishida, biroq yuqori paneli pastga siljitilsa, foydalanuvchilar frontal kameraga ega bo‘ladi. Ekran yuqoriga siljitilgan taqdirda u yerda AKG mutaxassislari tomonidan sozlangan katta dinamikka duch kelish mumkin.
Dizayner Sarang Shet patent tasvirlaridan foydalangan holda LetsGoDigital bilan birgalikda bozorga Samsung Galaxy A82 nomi ostida chiqadigan qurilmani qator renderlari seriyasini taqdim etdi.
Eslatib o‘tamiz, 2019-yilda taqdim etilgan Samsung Galaxy A80 sirpanadigan va buriladigan noyob kamera konstruksiyasiga ega bo‘lgan edi. Bu ekranning yuqori hoshiyasini juda ingichka qilish imkonini bergan.
Mish-mishlarga qaramay, Samsung Galaxy A81 smartfoni taqdim etilmadi. Manbalarga ishoniladigan bo‘lsa, 2021-yilda Samsung noyob dizaynga ega Galaxy A82’ni taqdim etishi mumkin, biroq hozirda ushbu ma’lumotlar shunchaki mish-mish sifatida baholanmoqda.
Avvalroq Xiaomi noodatiy dizaynga ega “smartfon-slayder”ni namoyish etgani, shuningdek, Vivo siljiydigan kameraga ega yangi flagmanini taqdim etgani to‘g‘risida xabar berilgandi.Mavzuga doir: Oppo X 2021 “rulon-smartfoni” yangi “jonli” kadrlarda namoyish etildi
