Travel Photographer of the Year 2020 tanlovining g‘oliblari aniqlandi. Unda ishtirokchilar hakamlar hay’ati sayyoraning turli burchaklarida olingan suratlarini taqdim qilgan. Rossiyalik Vladimir Alekseyev “Yil sayohat fotosuratchisi” deb topilgan. Quyida tanlovga taqdim qilingan va eng yaxshi deb topilgan suratlar ketma-ketligini e’tiboringizga havola etamiz.
Vladimir Alekseyevning Yamalda olingan “Kiyik boquvchilar” surati
Vladimir Alekseyev, shuningdek, 2015-yildagi quyosh tutilishini Shpitsbergenda kadrga muhrlagan va ushbu surat ham eng yaxshilardan biri deb topilgan.
15—18 yoshlilar orasida “Yil sayohat fotosuratchisi” deb amerikalik 17 yashar Ben Skaar topilgan. Nyu-Gempshir tog‘laridan turib ushbu manzarani kadrga muhrlash uchun ikki kecha mashinada tunashiga to‘g‘ri kelgan.
“Yilning eng yosh sayohat fotosuratchisi” deb pokistonlik 12 yashar Indigo Lamur topilgan. U tomonidan olingan suratda Laxorda joylashgan Vazir Xon masjidini oq-qora ranglarda ko‘rish mumkin.
14 yoshgacha bo‘lgan “Eng yaxshi sayohat yo‘nalishidagi fotosuratchi” deb esa ispaniyalik 11 yashar Migel Sanches Garsiya topilgan. Multiekspozitsiya uslubidagi surat 8 ta kadrdan tashkil topgan.
“Hayot ranglari” yo‘nalishi bo‘yicha esa britaniyalik Piter Uolsmi g‘oliblikni qo‘lga kiritgan. Uning Bangalorda joylashgan bozorning tepasidan olgan kadrida ranglar umumlashmasi va odamlar bilan gavjum ko‘chani ko‘rish mumkin.
“Peyzajlar va yerdagi elementlar” yo‘nalishi bo‘yicha esa italiyalik Alessandro Karboni eng yaxshi deb topilgan.
Akula va baliqlarni kadrga muhrlashga muvaffaq bo‘lgan gretsiyalik Pavlos Yevangelidis “Tabiat, dengiz hayoti va yovvoyi olam” yo‘nalishi bo‘yicha g‘oliblikni qo‘lga kiritgan.
“Olamdagi odamlar” yo‘nalishi bo‘yicha esa fotojurnalist Muneb Taim eng yaxshi deb topilgan.
Britaniyalik Devid Nyutonning qoyaga urilgan suv toshqinlarini kadrga muhrlagani ham hakamlar hay’atining diqqatini tortmay qolmagan.
Ispaniyalik suratchi Jorji Koenning ishlari esa “Sayohatchining portfoliosi” yo‘nalishida e’tirofga sazovor bo‘lgan.
Avstraliyalik Jeyms Smart tomonidan olingan surat esa “Peyzajlar va yer elementlari” bo‘yicha g‘olib deb topilgan.
Avstriyalik Marko Shtaynerning suratlari ham “Tabiat, dengiz hayoti, yovvoyi olam” yo‘nalishidagi eng yaxshi ishlardan biri bo‘lgan.
“Olamdagi odamlar” yo‘nalishida esa Eddi Verloesning suratlari eng yaxshi kadr deb topilgan.
iTravelled yo‘nalishi bo‘yicha esa telefon, planshet kamerasida suratga olingan suratlar orasidan eng yaxshi deb bangladeshlik Azim Xon Ronnining ishlari saralab olingan.
“Uy yaqinida olingan kadr” yo‘nalishida esa italiyalik Pyer Dodining suratlari hakamlar diqqatini tortgan.
Filippinlik Mark Entoni Agtay esa “Yolg‘izlik” yo‘nalishi bo‘yicha eng yaxshi deb topilgan.
