O‘zbekiston Prezidentining 30-yanvardagi farmoni bilan Toshkent viloyati hokimi Rustam Xolmatov lavozimidan ozod etildi.
Uning o‘rniga shu vaqtga qadar Toshkent shahar hokimining arxitektura, kapital qurilish va kommunikatsiyalarni rivojlantirish masalalari bo‘yicha birinchi o‘rinbosari lavozimida faoliyat yuritgan Davron Hidoyatov viloyat hokimi vazifasini bajaruvchi etib tayinlandi.
Rustam Xolmatovga 2020-yil 18-dekabr kuni bosh vazir Abdulla Aripov tomonidan yer ajratishda qonunni buzgani uchun hayfsan berilgandi.
Eslatib o‘tamiz, Shavkat Mirziyoyev 27-yanvar kuni o‘tkazilgan yig‘ilishda yaqin kunlarda bir nafar hokim va vazir lavozimini tark etishini ma’lum qilgandi. Shundan so‘ng 29-yanvar kuni Jismoniy tarbiya va sport vaziri Dilmurod Nabiyev lavozimidan ozod etildi.
Izoh (0)