20-yanvar kuni AQShda yangi prezident Jo Baydenning inauguratsiyasi bo‘lib o‘tadi. Marosim oldidan Vashingtondagi Milliy xiyobonga 200 mingga yaqin Amerika bayrog‘i o‘rnatildi, deb yozmoqda Meduza.
Bayroqlar koronavirus pandemiyasi paytida vafot etgan AQSh aholisi, shuningdek, karantin choralari tufayli inauguratsiya marosimida ishtirok eta olmaydigan va jonli tomosha qilish imkoniga ega bo‘lmagan odamlarni ifodalaydi.
Baydenning inauguratsiya marosimida mingga yaqin odam qatnashishi kutilmoqda. O‘tgan yillarda esa Kongress a’zolari orasida o‘z saylovchilari uchun 200 mingtagacha chipta tarqatilgandi.
AQShning amaldagi vitse-prezidenti Mayk Pens Jo Bayden va uning vitse-prezidenti Kamala Harrisning inauguratsiyasida qatnashadi. Tramp esa Baydenning inauguratsiya marosimiga bormasligini aytgan.
Izoh (0)