Dunyo bo‘ylab koronavirusga chalinganlar soni 95 mln kishidan oshdi

Butun dunyoda COVID-19 bilan kasallanganlar soni 95 million kishidan oshdi. Bu haqda Jons Hopkins universiteti ma’lumotlari guvohlik bermoqda.

Hozirgi kungacha koronavirus qurbonlari soni 2 milliondan oshdi, 52,2 milliondan ortiq kishi esa kasallikdan tuzaldi.

Virus eng ko‘p tarqalgan davlatlar beshligidan quyidagilar o‘rin oldi:

• AQSh — 23,9 million kishi;
• Hindiston — 10,5 million;
• Braziliya — 8,5 million;
• Rossiya — 3,5 million;
• Buyuk Britaniya — 3,4 million.

Shuningdek, Fransiya, Turkiya, Italiya, Ispaniya va Germaniyada 2 milliondan ortiq koronavirusga chalinish holatlari qayd etilgan.

Ma’lumot uchun, dunyo bo‘ylab virusga chalinganlarning umumiy soni 17-dekabr kuni 74 million, 27-dekabr kuni 80 million, 4-yanvar kuni 85 million, 11-yanvar kuni 90 milliondan oshgandi.

O‘zbekistonda 17-yanvar holatiga ko‘ra, koronavirus infeksiyasi qayd etilganlar soni 78 036 nafarni tashkil qilmoqda. Mavzuga doir:

• Qozog‘istonda koronavirusga chalinganlar soni 167 ming kishidan oshdi, Qirg‘izistonda esa 83 ming kishiga yaqinlashdi
• Rossiyada COVID-19’ga chalinganlar soni 3,5 mln kishidan oshdi