Dunyo bo‘ylab COVID-19’ga chalinganlar soni 90 milliondan oshdi. Bu haqda Jons Hopkins universiteti ma’lum qildi.

Foto: AP Photo

Ushbu kasallik oqibatida 1,932 milliondan ortiq odam vafot etgan. Sog‘ayganlar soni esa 45,8 milliondan oshdi.

Koronavirusga chalinish holatlari soni bo‘yicha quyidagi mamlakatlar yetakchilik qilmoqda:

  • AQSh — 22,3 million (373,6 ming kishi vafot etgan);
  • Hindiston — 10,4 million (150,9 ming);
  • Braziliya — 8 million (202,6 ming);
  • Rossiya — 3,4 million (61,8 ming);
  • Buyuk Britaniya — 3 million (81,5 ming);
  • Fransiya — 2,8 million (67,8 ming);
  • Turkiya – 2,3 million (22,8 ming).

Shuningdek, Turkiya, Italiya va Ispaniyada koronavirusni yuqtirib olganlar soni 2 milliondan oshgan.

Eslatib o‘tamiz, Buyuk Britaniyada koronavirusning yangi turi aniqlangani, shu tufayli mamlakatning ayrim hududlarida kasallik tarqalish surati tezlashgani haqida 14-dekabr kuni mahalliy Sog‘liqni saqlash vazirligi rahbari Mettyu Xenkok ma’lum qildi. Buyuk Britaniya bosh vaziri Boris Jonsonning so‘zlariga ko‘ra, ushbu turdagi koronavirus avvalgilaridan 70 foizga yuqumliroq, lekin undan xavfli emas.

Avvalroq koronavirusning “britancha” shtammi 41 ta, “afrikacha” shtammi esa 7 ta mamlakatda aniqlangani, Britaniyada uchinchi lokdaun e’lon qilingani hamda Germaniyada koronavirus tufayli cheklovlar kuchaytirilgani haqida xabarlar berilgandi.