Asakadagi kiyim-kechak bozorida yong‘in yuz berdi

Andijon viloyatining Asaka tumani “Kamolot” mahallasida joylashgan kiyim-kechak bozorida 10-noyabr kuni yong‘in yuz berdi.

FVV matbuot xizmatining xabar berishicha, yong‘in soat 00:42 da boshlangan. Voqea sodir bo‘lgan joyga zudlik bilan FVV viloyat boshqarmasining 3 ta yong‘in-qutqaruv ekipaji yetib borgan. Ular yong‘inni 40 daqiqa ichida to‘liq o‘chirgan.

Yong‘indan buyum bozorining 80 kvadrat metr maydoni yonib zararlangan. Hodisa oqibatida buyum bozorida joylashgan 4 ta do‘konga qisman zarar yetgan. Buyum bozorining 3000 kvadrat metr maydoni yong‘indan saqlanib qolingan.

Yong‘inning sababi va yetkazilgan zarar miqdori mutaxassislar tomonidan aniqlanmoqda. Yong‘indan tan jarohati olganlar va halok bo‘lganlar yo‘q.