Farg‘ona vodiysida 6-oktabr kuni soat 13:12 da zilzila qayd etildi, deya xabar bermoqda FVV.
Qayd etilishicha, zilzila epitsentri Qirg‘izistonda bo‘lgan.
Favqulodda vaziyatlar vazirligining Respublika seysmik prognostik monitoring markazining ma’lumotlariga ko‘ra, 4,5 ballik zilzila epitsentri 10 kilometr chuqurlikda bo‘lgan. Zilzila epitsentrdan Toshkentgacha bo‘lgan masofa janubi-sharqiy yo‘nalishda 360 kilometrni tashkil etadi.
Zilzila kuchi Namanganda 2 ball, Andijon va Farg‘onada 3 ball bo‘lgan.
