O‘zbekiston bosh vaziri Abdulla Aripov Savdo-iqtisodiy hamkorlik bo‘yicha hukumatlararo komissiyaning 7-yig‘ilishida ishtirok etish uchun 29-sentabr kuni Tojikiston poytaxtida bo‘ldi.
“Daryo” muxbirining xabar berishicha, rasmiy tashrif doirasida Abdulla Aripov Dushanbe shahrida barpo etilgan “Artel Avesto Electronics” o‘zbek-tojik qo‘shma korxonasining ochilish marosimida ishtirok etdi.
Hukumat rahbarlari va Tojikiston Majlisi milli Majlisi Oli raisi, Dushanbe shahri meri Rustam Emomali korxona faoliyati bilan tanishdi.
Ikki mamlakat rahbarlari tashabbusi bilan 10 million dollar evaziga qurilgan korxona zamonaviy elektr texnika ishlab chiqarishga mo‘ljallangan. Zamonaviy texnologiyalar bilan jihozlangan mazkur korxona eng so‘nggi xalqaro standartlarga javob beradi.
2020-yilning 3-choragida test rejimida faoliyat boshlagan korxonada hozircha elektron suv isitgichlari hamda changyutgichlar ishlab chiqarilmoqda. 2-bosqichda esa televizor, yarim avtomatli kir yuvish mashinasi va mikroto‘lqinli pech ishlab chiqarilishi ko‘zda tutilgan.
Maishiy texnika vositalari nafaqat ichki bozor talablarini qondirishi, balki qo‘shni respublikalarga ham eksport qilinishi rejalashtirilgan.
- Tojikistonda O‘zbekiston tomonidan qurilgan maktab foydalanishga topshirildi (foto)
- Abdulla Aripov boshchiligidagi O‘zbekiston delegatsiyasi 29-sentabr kuni Tojikistonga boradi
- O‘zbekistonlik jurnalistlar Tojikiston televideniyesi faoliyati bilan tanishdi (foto)
- Abdulla Aripov Dushanbega keldi
- Abdulla Aripov o‘z vaqtida suv yetkazib berilgani uchun Tojikistonga minnatdorlik bildirdi
