Butun dunyoda koronavirus infeksiyasi bilan kasallanganlar soni 27 million kishidan oshdi. Bu haqda kasallik tarqalishini real vaqtda kuzatib borayotgan Jons Hopkins universiteti ma’lumotlarida keltirilgan.
To‘rt kun ichida COVID-19 bilan kasallanganlar soni 1 million kishiga ko‘paygan: 26 millionlik ko‘rsatkich 3-sentabr kuni qayd etilgandi.
Eslatib o‘tamiz, dunyoda koronavirusga chalinganlar soni 3-avgust kuni 18 millionga, 7-avgust kuni 19 millionga, 10-avgustda 20 millionga yetgan, 15-avgust kuni esa 21 milliondan, 19-avgust kuni esa 22 milliondan oshgandi. 22-avgustda bu ko‘rsatkich 23 millionga yetgan. 27-avgustda 24 milliondan, 30-avgustda esa butun dunyo bo‘ylab koronavirus infeksiyasi bilan kasallanganlar soni 25 million nafardan oshgan.
Kasallanish bo‘yicha eng ko‘p holatlar AQShda qayd etilgan — 6,2 million. Uning ortida Braziliya va Hindiston o‘rin olgan bo‘lib, ikkala mamlakatda ham kasallar soni 4,1 millionga yetgan. Rossiya esa 1 milliondan ortiq kasal bilan to‘rtinchi pog‘onada ketmoqda.
COVID-19 bilan eng ko‘p kasallanish holatlari qayd etilgan davlatlar o‘ntaligidan quyidagi mamlakatlar ham o‘rin olgan:- Peru — 683 ming;
- Kolumbiya — 658 ming;
- JAR — 638 ming;
- Meksika — 634 ming;
- Ispaniya — 498,9 ming;
- Argentina — 478,7 ming.
Mavzuga doir: Butun dunyoda koronavirus bilan kasallanishlar soni bo‘yicha sutkalik antirekord yangilandi
