Shavkat Mirziyoyev 12-avgust, chorshanba kuni bo‘lib o‘tgan videoselektor yig‘ilishida karantinni bosqichma-bosqich yumshatish zarurligini, aholining o‘zi shuni iltimos qilayotganini ta’kidladi, deya xabar bermoqda Prezident matbuot xizmati.
Shuni hisobga olib, Prezident 15-avgustdan boshlab fuqarolarga o‘z uyida 30 kishilik oilaviy tantana, to‘y va boshqa marosimlarni o‘tkazishga ruxsat berish lozimligini ta’kidlab o‘tdi.
Eslatib o‘tamiz, O‘zbekistonda 10-iyuldan karantin talablari kuchaytirilgan, ushbu davrda, jumladan, oilaviy tantana, to‘y va boshqa marosimlarni o‘tkazish taqiqlangan edi.
Avvalroq Prezident Shavkat Mirziyoyev 15-avgustdan avtomobillarning kun davomida harakatlanishiga, 17-avgustdan viloyatlararo qatnovlarga ruxsat berish kerakligini ta’kidlagani haqida xabar berilgan edi.
Izoh (0)