“Yuventus” hujumchisi Krishtianu Ronaldu yangi mashina sotib oldi.
Tuttosport xabariga ko‘ra, portugaliyalik futbolchi 8 million yevroga Bugatti Centodieci sotib olgan.
Bugatti Centodieci cheklangan miqdorda ishlab chiqarilgan. Fransuz kompaniyasi ushbu mashinalarning atigi 10 tasini brendning 110-yilligiga bag‘ishlab ishlab chiqaradi.
Krishtianu Ronalduning “Real” safidagi shedevr gollari yodingizdami? Ularni tomosha qiling (video)
Avtomobilning maksimal tezligi soatiga 380 kilometrga teng. U 2,4 soniyada tezligini 100 km/soatgacha ko‘tarishi mumkin.
Ta’kidlanishicha, Ronaldu ushbu avtomashinani “Yuventus”ning A Seriyadagi g‘alabasi sharafiga sotib olgan, biroq u mashinani 2021-yilda oladi.
Avvalroq Ronaldu jamoasining A Seriyadagi g‘alabasidan so‘ng 6 million yevroga yaxta sotib olgani haqida xabar berilgandi.
Ronaldu Italiya chempionatining 2019/20-yilgi mavsumida 33 ta o‘yin o‘tkazib, 31 ta gol va 6 ta golli uzatmaga mualliflik qildi. Uning Turin klubi shartnomasi 2022-yilning yozida o‘z nihoyasiga yetadi.
Mavzuga doir:
- Krishtianu Ronalduning gollariga eng ko‘p assistentlik qilgan futbolchi ma’lum bo‘ldi
- XXI asrda penaltidan eng ko‘p foydalana olmagan futbolchilar reytingi tuzildi
- Karlo Anchelotti: “Ronaldu o‘zi uchun odatiy mavsumni o‘tkazdi. Keyingi yil u bundan ham yaxshiroq o‘ynaydi”
- So‘nggi 10 yillikda “Uchrashuvning eng yaxshi o‘yinchisi” maqomiga eng ko‘p erishgan futbolchilar reytingi tuzildi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)