Toshkent to‘qimachilik va yengil sanoat instituti rektori Bahodirjon Onorboyev hukumat qarori bilan Vazirlar Mahkamasida yangi lavozimga tayinlandi. Bu haqda O‘zA xabar berdi.
Hukumat qaroriga ko‘ra, Bahodirjon Onorboyev Vazirlar Mahkamasining Ta’lim, sog‘liqni saqlash, madaniyat, yoshlar, ma’naviyat va jamoat tashkilotlari, mahalla va oilani qo‘llab-quvvatlash masalalari kotibiyatining mudiri etib tayinlandi.
Shu munosabat bilan Bahodirjon Onorboyev Toshkent to‘qimachilik va yengil sanoat instituti rektori vazifasini bajaruvchi lavozimidan ozod qilindi.
Bahodirjon Onorboyev 1971-yilda tug‘ilgan, 1993-yilda Toshkent davlat universitetini matematika mutaxassisligi bo‘yicha tamomlagan, texnika fanlari doktori.
U Toshkent to‘qimachilik va yengil sanoat instituti rektori lavozimiga tayinlanishidan oldin Vazirlar Mahkamasining Ta’lim, sog‘liqni saqlash, jismoniy tarbiya, sport va turizm masalalari axborot-tahlil departamentida Uzluksiz ta’lim tizimida islohotlarni muvofiqlashtirish masalalari sho‘basining mudiri lavozimida faoliyat olib borgan.
Avvalroq Milliy mass-mediani qo‘llab-quvvatlash va rivojlantirish jamoat fondi hamda Yoshlar ishlari agentligining direktorlari tayinlangani haqida xabarlar berilgandi.
Izoh (0)