O‘zbekistonda koronavirusdan sog‘ayganlar soni 2919 nafarga yetdi
Namangan viloyatida 4 nafar, Samarqand viloyatida esa 7 nafar koronavirus infeksiyasiga chalingan bemor 3-iyun kuni sog‘ayib, reabilitatsiyaga kuzatildi, deb xabar bermoqda SSV matbuot xizmati.
Qayd etilishicha, Namangan viloyatida jami kasallik qayd etilganlar 260 nafar bo‘lib, endilikda ularning 251 nafari tuzaldi. Davolanayotganlar esa 5 nafarni tashkil etib, ushbu viloyat koronavirusdan xoli hudud bo‘lishga ancha yaqin turibdi.
Samarqand viloyatida esa jami kasallik aniqlanganlar 363 nafar bo‘lib, endilikda ularning 299 nafari sog‘aydi. Ayni paytda davolanayotganlar 62 nafarni tashkil etmoqda.
O‘zbekistonda koronavirusdan sog‘ayganlar soni 2 908 nafarga yetgani xabar berilgan edi. Endi esa ular soni 2 919 nafarga yetdi.
Kasallanganlarning umumiy soni esa, 3-iyun soat 10:00 holatiga ko‘ra 3 769 kishini tashkil qilmoqda, bemorlarning 15 nafari koronavirus infeksiyasi asoratlari oqibatida vafot etgan.
