Samarqand viloyatida Narpay tumani 16-mart kuni soat taxminan 21:40 da to‘rtta mashina ishtirokida yo‘l-transport hodisasi sodir bo‘ldi. Bu haqda IIV huzuridagi Tergov departamenti xabar berdi.
Boshqaruvni yo‘qotgan Lacetti haydovchisi harakat yo‘nalishini ajratib turuvchi beton to‘siqqa, undan “Gazel” mikroavtobusiga urilgan. Yengil mashina orqasidan xuddi shu yo‘nalish bo‘ylab harakatlanib kelayotgan VAZ-2106 va Nexia-2 avtomobillari ham avariyaga uchragan.
YTH oqibatida mikroavtobus haydovchisi hamda bir nafar yo‘lovchi voqea joyida halok bo‘lgan, yana bir nafar yo‘lovchi og‘ir ahvolda shifoxonaga yetkazilgan. Mikroavtobusning 9 yo‘lovchisi hamda Lacetti haydovchisi turli tan jarohatlari bilan tibbiy yordam so‘rab murojaat qilgan.
Voqea joyida tezkor-qidiruv guruhi ish olib borib, avariya sabablarini o‘rganmoqda.Mavzuga doir: Nukusda traktor va Nexia to‘qnashuvi oqibatida avtomobil yonib ketdi, 2 kishi halok bo‘ldi
Avvalroq IIV YHXBB O‘zbekistonda 2020-yilning yanvar—fevral oylarida 802 ta YTH sodir bo‘lgani, ularning 255 tasi o‘lim bilan yakunlangani haqida xabar bergandi.
