“Arsenal” futbol klubining bosh murabbiyi Mikel Arteta va “Chelsi” hujumchisi Kallum Hadson-Odoi koronavirusga yo‘liqdi. Bu haqda klub matbuot xizmatlari ma’lum qildi.
“Men o‘zimni yomon his qilganimdan keyin tibbiy ko‘rikdan o‘tdim. Bu juda ajablanarli. Menga ruxsat tegishi bilan ishga qaytaman”, — deydi mutaxassis.
Yaqin orada Arteta bilan muloqotda bo‘lganlar mustaqil izolyatsiyaga olinadi. Murabbiylar shtabining bir nechta a’zolari karantinga yuboriladi.
Eslatib o‘tamiz, Arteta mavsum o‘rtasida iste’foga chiqarilgan Unai Emerining o‘rniga “Arsenal” bosh murabbiyi etib tayinlangandi.
Shuningdek, “Chelsi”ning 19 yoshli hujumchisi Kallum Hadson-Odoi ham virusni yuqtirib olgan.
9-mart kuni Kallumda tumov alomatlari sezilgan va shundan keyin ehtiyot chorasi sifatida futbolchi mashg‘ulotlarda ishtirok etmagan. 12-mart kuni uning koronavirusga chalingani ma’lum bo‘lgan.
Yaqin orada Kallum bilan muloqotda bo‘lganlar mustaqil izolyatsiyaga olinadi. Qolganlar esa yaqin vaqt ichida o‘z ishiga qaytadi.Mavzuga doir:
- Koronavirus: Niderlandiya va Chexiyada futbol chempionatlari to‘xtatildi
- “Real” klubi karantinga olindi. La Liga o‘yinlari ikki haftaga to‘xtatildi
- Koronavirus va sport: bekor qilinayotgan musobaqalar, virusni yuqtirgan “Yuventus” himoyachisi haqida so‘nggi ma’lumotlar
- Koronavirus: “Inter” hamda “Roma”ning Yevropa Ligasidagi o‘yinlari qoldirildi
