Koronavirusning keng tarqalishi sabab futbol bo‘yicha Ispaniya chempionati to‘xtatildi. Bu haqda La Liga rasmiy saytida ma’lum qilindi.
Musobaqa kamida ikki hafta mobaynida o‘tkazilmaydi. Ushbu vaqt ichida Primera va Segundaning ikkita turi bo‘lib o‘tishi kerak edi. Mazkur tur bahslari qachon o‘tkazilishi noma’lum.
Bunga “Real” klubi karantinga olingani sabab qilib ko‘rsatilmoqda. Madridliklar klubi rasmiy saytining ma’lum qilishicha, “Real” basketbol jamoasining a’zosi COVID-19 virusini yuqtirib olgan. Shu sababli “Real”ning basketbol va futbol jamoalari karantinga olingan.
Avvalroq Italiyadagi epidemiya sababli A Seriya o‘yinlari to‘xtatilgandi.
Mavzuga doir: Koronavirus va sport: bekor qilinayotgan musobaqalar, virusni yuqtirgan “Yuventus” himoyachisi haqida so‘nggi ma’lumotlar
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)