Italiya Qurolli kuchlari bosh shtabi boshlig‘ida koronavirus aniqlandi

Italiya Qurolli kuchlari bosh shtabi boshlig‘i Salvatore Farina yangi turdagi koronavirusni yuqtirib olgani ma’lum bo‘ldi, deb xabar beradi La Repubblica.

Farina bu haqida shaxsan ma’lum qilgan. Hozirda u o‘zini yaxshi his etmoqda. Ta’kidlanishicha, bosh shtab boshlig‘i izolyatsiyada saqlanmoqda.

Farinadan tashqari Lodi kommunasi prefekti (politsiya boshlig‘i) Marchello Kardonada ham koronavirus aniqlangan.

8-mart kuni Pyemont viloyati rahbari Alberto Chirio ham virus bilan kasallangani ma’lum bo‘lgandi. Bundan tashqari koronavirus Italiya Demokratlar partiyasi rahbari Nikola Dzingarettida ham aniqlangan. Mavzuga doir:

• Italiya koronavirusdan o‘lim holatlarining foiz ko‘rsatkichi bo‘yicha jahonda birinchi o‘rindagi mamlakatga aylandi
• Italiyada koronavirusning tarqalishi munosabati bilan O‘zbekiston delegatsiyalarining 20 dan ortiq safari qoldirildi

So‘nggi ma’lumotlarga ko‘ra, Italiyada koronavirus oqibatida vafot etganlar soni 366 kishiga yetgan, bu mamlakatda koronavirusga chalingan 7,3 ming kishining 4,96 foizini tashkil etmoqda.  Italiya bosh vaziri Juzeppe Konte koronavirus infeksiyasi tarqalishi munosabati bilan mamlakatning 14 ta provinsiyasida kirish-chiqishni yopgan. 3-aprelga qadar yopilgan hududlar orasida Lombardiya, Rimini, Modena, Novara va boshqalar bor. Bundan tashqari, 14 ta provinsiyada maktablar, muzeylar, sport zallari yopilgan, diniy marosimlar to‘xtatilgan.