Foto: Islom Karimovning ishdan tashqari hayoti

Toshkent Fotosuratlar uyida 28-dekabr kuni “Islom Karimov: Ulkan tarixiy davrni mujassam etgan inson” fotoalbomi taqdimoti bo‘lib o‘tdi va fotoalbom ko‘rgazmasi ochildi. Ko‘rgazma 10-fevralga qadar davom etadi.

Fotoalbom uzoq yillar davomida Prezident fotosuratchisi sifatida ishlagan O‘zbekistonda xizmat ko‘rsatgan jurnalist Farhod Qurbonboyev va rassom Temur Qurbonboyevning suratlari asosida tayyorlangan.

Unda Birinchi Prezidentning rafiqasi Tatyana Karimovaning ta’kidlashicha, Islom Karimov “rasmiyatchilikdan xoli, erkin va samimiy ko‘rinishda gavdalangan”; “bu suratlarda Islom Abdug‘aniyevichning sun’iylikdan xoli siymosini ko‘rishimiz mumkin”.