2019-yil 3-sentabr kuni Gurlan tumani ichki ishlar bo‘limiga kelib tushgan ma’lumotlarga asosan “Tozayorg‘on” mahallasida yashovchi, 1984-yilda tug‘ilgan S.B.ning uyi va yordamchi xo‘jaliklarida tintuv o‘tkazildi. Bu haqda Xorazm viloyat IIB matbuot xizmati ma’lum qildi.
Ushbu tintuv jarayonida nafaqat ichki ishlar bo‘limiga kelib tushgan ma’lumotlar o‘z tasdig‘ini topdi.
Ushbu xonadon sohibi garajining tom bostirmasi tagida giyohvandlik vositasi hisoblanuvchi “kannabis” o‘simligini g‘amlab qo‘ygani aniqlandi. Bostirma tagida g‘amlab qo‘ygan 31 tup “kannabis” o‘simligi taroziga tortib ko‘rilganida qariyb yuz kilogrammni tashkil qilgan .
“Ushbu giyohvandlik vositalari nima maqsadda g‘amlab qo‘yilganligiga Jinoyat Kodeksining 270-moddasi 1-qismi va 276-moddasi 2-qismi bilan qo‘zg‘atilgan jinoyat ishi tergovi jarayonida aniqlik kiritiladi”, — deyiladi xabarda.
Izoh (0)