O‘zbekistonning Kimyoviy qurolni taqiqlash bo‘yicha tashkilotdagi doimiy vakili Dilyor Hakimov Niderlandiyaning Raysvik shahridagi muassasaga qarashli maxsus laboratoriya va materiallar omboriga safar qildi. Bu haqda TIV matbuot xizmati xabar bermoqda.

Foto: EPA

O‘zbekiston tomoni laboratoriya faoliyati va texnik imkoniyatlari bilan tanishtirildi. Jumladan, tashkilot vakillari laboratoriyaning kimyoviy moddalar tahlili borasidagi imkoniyatlari haqida hikoya qildi. Bu yerda 193 davlat qo‘shilgan Kimyoviy qurolni man etish bo‘yicha konvensiya ishtirokchi-davlatlari vakillari uchun trening-kurslar tashkil etilgani ma’lum qilindi.

Tadbir davomida O‘zbekiston tomoni joriy yil 25—29-noyabr kunlari Gaagada bo‘lib o‘tadigan Kimyoviy qurolni taqiqlash bo‘yicha tashkilot ishtirokchi-davlatlarining 24-anjumanida qatnashish uchun taklif qilindi.