O‘zbekiston musulmonlari idorasi raisi, muftiy Usmonxon Alimovning ukasi Islomxon Alimov vafot etdi. Bu haqda O‘MI matbuot xizmati ma’lum qildi.
“Alloh taolo oxirat safariga kuzatilayotgan marhumning chekkan zahmatlari, tortgan dardlarini gunohlariga kafforat qilib, barcha solih amallarini o‘zlariga hamroh aylab, O‘z mag‘firatiga olsin”, — deyiladi xabarda.
Janoza namozi bugun, 12-iyul kuni Samarqand viloyatining Ishtixon tumani, Orlot qishlog‘idagi “Orlot” jome masjidida juma namozidan so‘ng o‘qiladi.
