Arkanzasdagi suv toshqinlari sabab shtat kuniga 20 mln dollar zarar ko‘rmoqda (video)

Arkanzas daryosi suvi hafta davomida yoqqan yog‘ingarchilik oqibatida toshib, atrofdagi shaharlarni suv ostida qoldirdi, deb xabar beradi Forum Daily.

Suv janub tomon harakatlanayotgani sabab Arkanzas shtati poytaxti Litl-Rok amaldorlari shundoq ham zo‘rg‘a turgan to‘g‘onlar tizimini buzib yuborishidan xavotirda. Kuchli yog‘ingarchilik oqibatida to‘plangan suvlar miqdori 1945-yildan berdi kuzatilgan eng yuqori darajani qayd etgan.

Storm Damage #oklahoma #flooding #dji #dronesforgood pic.twitter.com/y1TAFT7jz7

— Kelly Kerr (@camera3728) May 31, 2019

Ob-havo milliy xizmatining ma’lum qilishicha, to‘satdan ro‘y beradigan suv toshqinlari va yog‘inlar shtatda ishlarning qayta tashkil etilishiga xalaqit berishi mumkin.

https://twitter.com/LifeWithWeather/status/1134816210439364608

Armiyaning muhandislik korpusini aytishicha, ushbu hududdagi to‘g‘onlar joriy yilda har doimgidan ko‘proq muddat suvni ushlab turishga majbur bo‘lmoqda. Ayni vaqtda asosiy e’tibor oqim bo‘yicha pastga oqayotgan suvni nazorat qiladigan Konvey ko‘lidagi plotinaga qaratilmoqda.

Toshqinlar oqibatida Arkanzasdagi 500 dan ortiq uylarga shikast yetgan, bir nechta ko‘prik yopilgan, shtat kuniga 20 million dollardan ortiq zarar ko‘rmoqda.