15-mart kuni Humo Arena muz saroyi ochilish marosimida O‘zbekiston Prezidenti Shavkat Mirziyoyev ishtirok etadi. Bu haqda muz saroyi ma’muriyati “Daryo”ga ma’lum qildi.
Shuningdek marosimda hukumat va parlament vakillari, viloyat hokimlari, madaniyat va fan arboblari, O‘zbekistonning yetakchi sportchilari, paralimpiya o‘yinlari chempionlari, diplomatik korpus vakillari, sport maktablari hamda mehribonlik uylari bolalari ham ishtirok etadi.
Tantanali ochilish marosimida mehmonlar e’tiboriga lazer shou hamda 3D animatsiya, “Qarsildoq” spektakli va musiqali shou dasturi havola etiladi.
Tadbirda shuningdek, hokkey bo‘yicha Olimpiada chempioni Pavel Bure, olimpiada chempioni, uch karra jahon chempioni Valeriy Kamenskiy ham ishtirok etishi kutilmoqda.
