2018-yil 8-oktabr kuni Samarqand viloyatining Pastdarg‘om tumanida yashovchi G‘.X. IIBga firibgarlik holati yuzasidan murojaat qildi. Bu haqda IIV jamoatchilik va OAV bilan aloqalar boshqarmasi xabar berdi.
Arizachiga ko‘ra, 2017-yil 25-aprel kuni tanishi U.Q. ismli ayol “Sug‘diyona” maskanida joylashgan xonadonini sotmoqchi ekanligini aytib, aldov yo‘li bilan undan 64 million 117 ming so‘m pulini oladi. Biroq shu kungacha uy hujjatlarini ham, olgan pullarini ham bermay kelmoqda.
Ko‘rilgan choralar natijasida U.Q. ushlandi. Holat yuzasidan jinoyat ishi qo‘zg‘atilib, tergov harakatlari olib borilmoqda.