Iyul oyida O‘zbekiston, avvalgi oylarda bo‘lgani kabi, Ukraina shakarining asosiy xaridoriga aylandi. Bu haqda Ukraina shakar ishlab chiqaruvchilar milliy assotsiatsiyasi ma’lumotlari guvohlik beradi, deb yozadi Spot.
Avvalgi oylardan asosiy farq shundaki, iyul oyida O‘zbekiston deyarli butun shakarni (89 foiz) xarid qildi. Ukraina eksport shakarining 4 foizi — Moldova, 3 foizi — Ozarbayjon va 2 foizi Tojikistonga to‘g‘ri keldi.
Shu tariqa, oxirgi uch oy davomida O‘zbekiston Ukrainadan 100 ming tonnadan ortiq shakar sotib oldi. Taqqoslash uchun, Rossiya butun 2017-yil davomida O‘zbekistonga 109 ming tonna shakar yuborgan.
