Germaniyadagi Berxtesgaden shahri hukumati qadimiy qabristondagi joylarni lotereyaga qo‘ydi. Ular lotereya uchun 200 ta joyni ajratgan, deya ABC News xabar bermoqda.
Ma’lum qilinishicha, XVII asrga taalluqli qabriston aholi o‘rtasida ancha mashhur. Biroq so‘nggi yillar mobaynida shahar ma’muriyati bu qabristondan joy buyurtirganlarga rad javobini berib kelgan. Negaki qadimiy qabristonda joy juda kam qolgan edi.
Endilikda esa shahar hukumati aholiga qabristondagi joyga ega bo‘lish uchun teng imkoniyatlarni taqdim qilmoqchi.
Lotereyada ishtirok etish uchun 280 kishi buyurtma bergan. Berxtesgaden shahrida 7,5 ming kishi istiqomat qiladi.
Izoh (0)