Farg‘ona viloyatining Furqat tumanida 8-aprel kuni soat 01:30 atrofida To‘rg‘ay qishlog‘ida yashagan, 1994-yilda tug‘ilgan S.Mamajonova uyida sog‘lig‘i yomonlashib, to‘satdan vafot etdi. Bu haqda IIV jamoatchilik va OAV bilan aloqalar boshqarmasi xabar berdi.
Olib borilgan surishtiruv ishlari natijasida S.Mamajonovaning birga yashovchi akasi, 1986-yilda tug‘ilgan I.Mamajonov uyida oilaviy janjal tufayli singlisining yuzi, badaniga qo‘li va kamari bilan urganligi ma’lum bo‘ldi.
Buning oqibatida S.Mamajanovaning buyragi shikastlanib, yorilgan va ichki qon ketishi tufayli sog‘lig‘i yomonlashib, hayotdan ko‘z yumgan.
I.Mamajonov qo‘lga olindi.
