14-yanvar kuni Surxondaryo viloyati Denov tumani oshpazlari 9 tonna osh damlashi oldinroq xabar qilingan edi. Ayni vaqtda oshni pishirish davom etmoqda. Tashkilotchilar “Daryo”ga oshning usti yopilganini ma’lum qildi.
Yangi rekord oshi Vatan himoyachilari kuniga (14-yanvar) atab, 2000 kishiga mo‘ljallangan stadionda tayyorlanmoqda.
“Megapalov”ni tayyorlash uchun 46 nafar oshpaz jalb etildi. Oshga 2000 kg mol go‘shti, 250 kg qo‘y yog‘i, 2200 kg guruch, 3000 kg sabzi, 250 kg piyoz, 210 litr o‘simlik, 250 litr zig‘ir va 100 litr pista yog‘i, shuningdek, 70 kg tuz, 240 kg no‘xаt, 100 kg mayiz, 5 kg zira va 5 kg qora murch kabi masalliqlar ishlatildi. Mahsulotlarning umumiy og‘irligi deyarli 9 tonnani tashkil etadi.
Izoh (0)