Rossiyaning Primorye o‘lkasidagi hayvonot bog‘ida Tessi laqabli retriver onasi voz kechgan ikki leopard bolasini “asrab oldi”, deb xabar beradi “Interfaks”.
“Vlad va Alyona laqabli leopardlarning bolalari 8-oktabr kuni tug‘ilgan edi. Onasi ularni oziqlantirishdan voz kechdi. Biz ularni sun’iy ravishda oziqlantirishga harakat qildik. Biroq sun‘iy ozuqa leopard bolalariga yoqmadi, shuning uchun ularga boshqa ona topishga to‘g‘ri keldi”, — deyiladi hayvonot bog‘ining ijtimoiy tarmoqlardagi sahifasida.
Qayd etilishicha, leopardchalarga o‘zi ham yaqinda to‘rtta kuchukchani dunyoga keltirgan Tessi laqabli it ona bo‘lgan. U leopard bolalarini mamnuniyat bilan o‘z oilasiga qabul qilgan.
https://www.instagram.com/p/Ba3IDZLH66P/?taken-by=zoopark_vl
Izoh (0)