AQShning Florida shtatida yashovchi 26 yoshli Uilyam Jo Jonson Achieva Credit Union kredit tashkilotiga o‘g‘rilikka tushgani uchun hibsga olindi, deb xabar beradi “Forum Daily”.
Jonson internetdagi qo‘llanmalar yordamida jinoyat sodir etishga tayyorgarlik ko‘rganini ma’lum qildi.
Yigit pulga muhtojligidan o‘g‘rilikka qo‘l urganini so‘zlab bergan. Bunday ishlarga uquvi bo‘lmagani uchun Jonson Google’ga murojaat qilgan.
Yigit o‘z so‘rovida faqat ikki jumladan ya’ni “Qanday qilib bankni o‘marish mumkin?” va “Qanday qilib politsiyadan yashirinish mumkin?” kabi savollardan foydalangan.
O‘g‘rilik jarayonida Jonson kassir ayolga quroli borligini aytib, pul talab qilgan.Yigit pulni olgach, hodisa joyidan qochib ketgan.
Jonson o‘g‘irlangan pullarni ijara haqini to‘lashga va narkotik moddalar sotib olishga sarflaganini ta’kidlagan. Uning so‘zlariga ko‘ra, u yana bir bankka o‘g‘rilikka tushmoqchi bo‘lgan.
Izoh (0)