Rossiya “Iskander-M” kompleksi 1-iyunda Tojikistondagi mashqlarda ilk jangovar raketani uchiradi
Rossiyaning “Iskander-M” operativ-taktik raketa komplekslari Lyaur poligonida (Tojikiston) start beriladigan pozitsiyalarni egalladi va 1-iyun kungi o‘quv mashg‘ulotlarida jangovar raketani uchiradi. Bu haqda 31-may, chorshanba kuni Markaziy harbiy okrug rasmiy vakili polkovnik Yaroslav Roshchupkin jurnalistlarga ma’lum qildi, deb yozadi “TASS”.
“ ‘Iskander-M’ operativ-taktik raketa komplekslari jangchilar guruhi tungi marshni amalga oshirdi va Lyaurdagi poligonda start beriladigan pozitsiyalarni egalladi. 1-iyun, payshanba kuni ‘Dushanbe-Aksilterror - 2017’ qo‘shma mashg‘ulotlarida razvedka tomonidan aniqlangan shartli jinoiy to‘dalar faol bo‘lgan hududlarga jangovar raketa uchiradi”, — dedi Roshchupkin.
“Iskander-M” komplekslari Tojikistondagi o‘quv mashg‘ulotlarga ilk bor tashlangan. Ular 500 kilometr masofadagi nishonga yeta oladi. Ularni ballistik va qanotli raketalar bilan jihozlash mumkin.
