Koreya Respublikasidagi Amerika zenit-raketa kompleksi THAAD (Terminal High Altitude Area Defense) jangovar navbatchilikka qo‘yilgan va KXDR raketasini to‘xtatib qolishga tayyor. Bu haqda 1-may, dushanba kuni Koreya Respublikasidagi AQSh qo‘shinlari qo‘mondonligi matbuot xizmati rahbari polkovnik Rob Menning ma’lum qildi, deb yozadi “TASS”.
Shu tariqa u avvalroq Amerika va Janubiy Koreya OAVlari tomonidan ma’lum qilingan ma’lumotlarni tasdiqladi.
“AQSh va Janubiy Koreya kuchlari THAAD tizimi jangovar shaylik holatida ekanligi va Shimoliy Koreya raketalarini to‘xtatib qolib, Koreya Respublikasini himoya qilish imkoniyatiga ega ekanligini tasdiqlaydi”, — deydi Menning. U bu mavzudagi boshqa hech qanday ma’lumotlarni keltirmadi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)