OAV: AQSh prezidenti ma’muriyati Shimoliy Koreyaga qarshi harbiy kuch ishlatilishini istisno etmadi

Pxenyanga nisbatan ko‘riladigan choralarni o‘rganayotgan AQSh prezidenti ma’muriyati Shimoliy Koreyaga qarshi harbiy kuch ishlatilishini istisno etmadi. Bu haqda “TASS” xabar bermoqda. 

The Wall Street Journal manbalariga ko‘ra, Oq uyning KXDRga nisbatan strategiyasini muhokama etish davomida mazkur mamlakatda “harbiy kuch ishlatish, shuningdek, tuzumni o‘zgartirish” imkoniyati ham ko‘rib chiqilmoqda. 

Shimoliy Koreyani “AQSh uchun eng katta xavf” deb atagan  prezident Tramp oldinroq Pxenyanga Amerika qirg‘oqlariga borib yetadigan qit’alararo ballistik raketalar yaratishga xalaqit berishni va’da qilgandi. KXDR rasmiylari bunday raketalarning yaratilishi oxirgi bosqichda ekanligini bildirgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!