Meksikada Ispaniya futbol federatsiyasi prezidenti jiyani jinoyatchilar tomonidan o‘ldirildi
Ispaniya futbol federatsiyasi prezidenti hamda UEFA prezidentligiga nomzod bo‘lgan Anxel Mariya Vilyarning jiyani Meksikada o‘ldirildi. Bu haqda “Chempionat” xabar bermoqda.
Vilyarning qarindoshi tovon puli talab qilgan jinoyatchilar tomonidan o‘g‘irlab ketilgan. Daily Mail nashrining ma’lum qilishicha, jinoyatchilar o‘g‘irlangan qiz uchun 20 ming peso (10 ming dollar) talab qilgan. Qizning oilasi shartni bajargan, biroq jinoyatchilar qizni baribir o‘ldirgan.
Xabar berishlaricha, Vilyar jiyanining jasadi Mexiko shtati poytaxti Toluka-de-Lerdo shahridan topilgan.
Avvalroq ushbu axborotni Ispaniya tashqi ishlar vaziri vazifasini bajaruvchi Xose Manuel Garsiya Margalyo ham tasdiqlagan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
